মুখ্য পৃষ্ঠা
06/04/2515:36
"দুখৰ ৰাতি এগচি চাকি"
বৰটোপৰ গৰ্জনত পৰাধীন দেশ
স্বাধীনতা বিচাৰি দেশ অকালতে শেষ |
শোষণৰ টোকাবহীত শাসকৰ স্বাক্ষৰ
ভৰিছে উদৰ মাথো নিজৰ স্বাৰ্থৰ |
দেশত নুফুটাবি আৰু হিলৈ-বৰটোপ
নজ্বলিব মন্দিৰত প্ৰাৰ্থনাৰ ধূপ |
তেজৰ নৈত নাথাকে দেশৰ স্বাধীনতা
নকৰিবি আইক তেজৰ লোভত ধৰ্ষিতা |
নৈৰ বিননিত যিদৰে গঢ়াই নাকান্দে
বাৰুদৰ খেলত সেইদৰে স্বাধীনতা নাথাকে |
হিংসা বুলিলে যদি নিচিন' ককাই ভাই
তেনে পুত্ৰৰ কদাপি ক্ষমা নাই নাই |
হাঁড়ত লাগি থকা শুকান ছাল টানি
কিমান চুবাবি আৰু নৰমাংসৰ বাটি ?
কেঁচা তেজ চেলেকি যদি তৃপ্তি লাগে
মোকেই কাটিবি তেনে বিনা দ্বিধাৰে |
মৃত্যুয়ে যিদিনা তোক মাতিব ৰিঙিয়াই
কান্দিলেও নাপাবি জীৱন ইনাই বিনাই |
হাতৰ বৰটোপ হাততে ফুটিব
দুদিনিয়া অহংকাৰ মাটিত মিলিব |
পাৰ যদি শেষ কৰ দেশৰ দুখ
আই পিতায়ে তেবে লভিব সুখ |
বৰটোপ নুপুটাবি , দেশকো নামাৰাবি
আইৰ চৰণ চুই জনমৰ প্ৰাৰ্থনা কৰিবি |
© ৰাজু কলিতা
03/01/15
